"الكشف المبكر طريق الأمان والصحة لكل امرأة"

"الكشف المبكر طريق الأمان والصحة لكل امرأة"

الدكتورة خديجة فناني هي طبيبة تعمل في مدينة خريبكة، معروفة بحبها لوطنها وتفانيها في عملها. تسعى دائماً لنشر الوعي الصحي بين الناس، وخاصة النساء، وتحثهن على الفحص المبكر لسرطان الثدي وعنق الرحم. تُعرف باستقبالها الحار واحترامها الكبير لمرضاها، وهي شخصية محبة للخير وتؤدي رسالتها الطبية بروح الإنسانية والالتزام.

بقلم: الدكتورة خديجة فناني

الفحص بكري با الذهب مشري 

يا جارتي فطومة قوليها كاع لعيالات الحومة زهرة فاطمة سميرة وهشومة وماتنسيش خواتاتك هنية وصفية با ش ما تصبح حتا وحدة فيكم لسرطان ضحية 

سمعيني وفهميني مزيان 

يا جارتي فطومة 

 هدا كلام طبيبة الحومة 

راه الفحص المبكر لسرطان الثدي وعنق الرحم موجود 

مجاني في جميع المستوصفات وفي 

هاد السنوات الطب تقدم وحقق في هاد الميدان المعجزات 

نقصت نسبة الوفيات 

إنخفضت المضاعفات 

بلآ ما تخافي وتردي

عملي زيارة طبية باش 

تقلبي وتفحصي 

بلا ما تخافي ودهشي يا جارتي 

راه فحص ساهل وبسيط 

عندو كثير أهمية شحال من مرا ينقد في هاد الدنيا باش لسرطان الثدي وعنق الرحم ما تصبحش ضحية 

 خالي في البال 

 يا بنت عمي علال 

فحص ساهل وبسيط 

نتيجتو مضمونة باش تعيش في صحة وسعادة يا 

حبيبتي فطومة 

وما تكوني مريضة ومهمومة يا حبيبتي الغالية فطومة 

قوليها كاع لعيالات الحومة 

فحص جودتو أمنة فعالة لسرطان الثدي وعنق الرحم عدوة قتالة 

يا فطومة ويا نساء الحومة 

في مراكز الأنكلوجيا 

علاج سرطان الثدي وعنق الرحم موجود 

وبا الشفاء اليوم موعود نديروا يد في يد 

ونحاربوا بكل قوتنا وبكل 

الجهود 

هاد العدو اللدود 

بعون الله الرحيم الودود باش نعيشوا في صحة أمن و أمان 

عافية سلام وإطمئنان راه قالوا ناس زمان راه الفحص بكري با الدهب مشري يا الأخوات ويا الجيران