"بلادنا عائلة واحدة حب لا ينتهي"

"بلادنا عائلة واحدة حب لا ينتهي"

بقلم الغفيل سكينة: شاعرة البادية

«« عائلة الكبيرة»»

 بلادنا عائلة كبيرة 

من طنجة لݣويرة 

وخا الزمان يدور

      حبي لبلاد 

    ديما في قلبي        

        محفور  

أرضنا أرض الجود 

والخير فيها موجود 

و ملكنا داير المجهود 

نقولها بلا كذوب 

والله إلا أنت ملكنا 

        المحبوب 

وشهدت بها الشعوب 

أنت ملك محبوب 

   جوهر و ألماس 

والمغرب أحلى ناس 

المحبة والخير 

عندنا أساس 

  حلاوة الكلام 

و مكين غير مرحبا 

و زيد الݣدام 

كلشي يضامن صغيروكبير 

بلادنا بلاد المحبة 

      والخير 

يكون لي يكون 

الخو على خوه 

     ما يهون

     هاد الشي 

    مقدر و مكتاب 

   ملكنا دق الأبواب 

وواسا فهاد المكتاب 

    فقدنا الحباب 

الله شاهد تحصرنا 

    و بكينا 

و الدموع نشفوا 

     من عينينا 

  مقدر و مكتاب

علاش فكل شدة

تولي شي فام       

      محلولة 

  وحنا عارفين 

   حتى زين

مخطاتوا لولة 

عندنا شلا كلام 

ولكن حنا شعب

   السلم والسلام 

وهادي قالها قائدنا 

       الهمام 

    نبتة من عندو

       تزرعات

  وبروح المبادرة  

  والحنان تسقات 

  ومزال جذورها 

     تكبر وتسرح 

ولي عادانا معندو 

      ما يربح 

صوط يالريح 

ملكنا زين ومليح 

صوط يالريح

المغرب والد المليح

حبي لبلاد كبير     

   ميتقاداش 

وإلا جا الزهايمر 

    وما براش 

الله الوطن الملك 

من عقلي 

   ما تنساش